Stof tot Nadenke

• Die mond van ’n bejaarde man is sonder tande, maar nooit sonder woorde van wysheid nie.” • Oos, wes, tuis bes . . . behalwe Ouma se huis! • As ek geweet het dat kleinkinders soveel pret is, sou ek hulle eerste gehad het! • Kinders het nog nooit baie goed na hulle ouers geluister nie, maar hulle het nog nooit versuim om hulle na te boots   nie. — James Baldwin • ’n Ouma is ’n kroostrooster wat na die kleingoed kyk in plaas van na die televisie. • “’n Dorp sonder bejaardes is soos ’n put sonder water.” — Nylspreekwoord • “As jy baie besit, gee van jou besittings; as jy min het, gee van jou hart.” — Nylspreekwoord • “Jeugdiges praat eers en luister dan; die bejaarde luister en praat dan.” — Nylspreekwoord

Nuttige webtuistes

Oefening vir die bejaardes: Voel u ooit dat u u fiksheid moet verbeter? Hierdie webtuiste bespreek verskeie oefeninge wat gebruik kan word deur diegene wat ouer word. Daar is talle eenvoudige idees oor hoe om gesond te bly, hoe om reg te eet en hoe om siekte te vermy. www.exercise.about.com/cs/exseniors Gesinsake: As u in enige onderwerp met betrekking tot die gesin belangstel, is dit die webtuiste om te besoek. Dit sluit idees in oor hoe om die kinders gedurende die vakansies besig te hou, verskeie omstrede knelpunte, en baie meer. www.family.org

Om weer vreugde in Kersfees te plaas

Die geskaterlag van kinders kon gehoor word. ’n Atmosfeer van blydskap het die byeenkoms op die grasperk gekenmerk. Die tafels was oorlaai met kos en lekkernye. Opgewekte musiek kon van binne gehoor word. . . . Van oorkant die straat het mev. O., ’n eensame gryskopdame van drie en tagtig, van agter halfoop gordyne dopgehou . . . maar haar gedagtes was ver daarvandaan — verlore in herinneringe aan gelukkige dae — herinneringe aan gelukkige Kersgetye wat sy saam met haar eie gesin deurgebring het. En hier was sy . . . alleen . . . met bloedweinig meer as ’n eenvoudige maaltyd van blikkieskos en brood om na uit te sien. Mev. O se ondervinding is tipies van duisende Senior Burgers. . . . Maar ’n wonderlike groep mense maak ’n reuseverskil. . . . Danksy u, ons lojale ondersteuners, is meer as 20 000 Senior Burgers hierdie afgelope Kersfees by meer as 80 spesiale Kersgeleenthede oor die hele land onthaal. Behalwe die feestelike ete en spesiale vermaaklikheid, kon ons ou vriende in gemeenskaplike belange deel en nuwe vriende maak. Vir diegene wat om die een of ander rede nie die geleenthede kon bywoon nie, is spesiale Kersgeskenkpakkies by hulle huise afgelewer deur vriende wat omgee. Woorde van bedanking en lof was daar baie by elke geleentheid en by elke huis, en dit moet ons aan u oordra, want in werklikheid was dit u wat vir meer as twintig duisend Senior Burgers die verskil gemaak het. Hoe sê mens twintig duisend keer dankie?

Huishoudelike Wenke

Kring om die Kraag Vuil kringe om hempboordjies of bloeskragies kan verwyder word deur ’n bietjie sjampoe te gebruik. Vryf die sjampoe in soos jy jou hare sal was. Sjampoe is spesifiek gemaak om liggaamsolies te verwyder. ’n Goedkoop bottel sjampoe wat by die wasmasjien gehou word, is handig vir alle soorte vlekke aan klere. Moenie hierdie geheim vergeet wanneer jy op reis is nie. Afstofwenk Gebruik verfkwasse om in krakies en moeilik bereikbare plekke in telefone, stereo’s, ens. af te stof. Maak ’n skedule Ruim ’n gereelde tydjie elke week in vir die gesin om die huis aan die kant te maak. Dit leer die kinders goeie gewoontes en gee die gesin ’n projek om saam te verrig. As ‘n aansporing bedien U gesin se geliefkoosde dis vir ete, wanneer die take verrig is. Verwydering van kerswas van mure Kerswas kan met ’n strykyster en snesies van mure of ander oppervlakke verwyder word. Hou die snesie oor die kerswas en stryk liggies. Wanneer die was deursypel of die snesie begin bruin word, gebruik ’n nuwe snesie. Verwydering van bloedvlekke Mielieblom kan bloedvlekke verwyder. Spoel die vlek in koue water, vryf dan klam mielieblom in. Plaas die item in die son.

Straatpensionaris te hulp gesnel

Mev. J. is in haar laat tagtigerjare. Sy is gedeeltelik blind en loop baie moeilik. Toe sy dit te moeilik vind om haar eie huis in stand te hou, het haar kinders besluit om in die huis by haar in te trek. As jy ryk wil voel, tel net al die dinge bymekaar wat jy besit, wat geld nie kan koop nie! Alles het goed gegaan tot dit weer vakansie was. Die kinders het see toe vertrek, die voorhek gesluit en mev. J. in die huis gelos — sonder enige kos of kontak met die buitewêreld. (Kan jy dit glo?) Toe die kinders van vakansie terugkom, het ’n rusie ontstaan, en hulle het mev. J. en al haar besittings op die straat uitgesit. Die bure het haar jammer gekry en haar in ’n buitegebou gehuisves. Die bure het ook mev. J. se benarde toestand onder die aandag van die plaaslike Mobiele Etes-tak gebring. Die vrywilligers van Mobiele Etes lewer nou maaltye by haar snoesige nuwe huisie af. En soos sy sê, “ek het alles wat my hart begeer — behalwe die liefde van my kinders.” Mev. J. geniet die besoeke van ons “hoppers” terdeë en sy is ’n groot bron van bemoediging vir die vrywillige helpers wat elke week inloer om te gesels. Sy is baie dankbaar vir die liefde en ondersteuning wat sy ontvang. Ons spesiale dank aan u wat dit vir Mobiele Etes moontlik maak om vir mense soos mev. J. te sorg.

Takprofiel - Alberton Mobiele Etes

Ons het onlangs die plaaslike direktrise van die Albertontak, mev. Zerie Wessels, besoek en ’n paar vrae aan haar gestel oor die werk wat haar tak in die plaaslike gemeenskap doen. Vir hoeveel Senior Burgers gee julle kos? Ons verskaf daagliks 60 maaltye. Op klubdae, wanneer die meeste van die Seniors na die sentrum kom om mekaar se geselskap te geniet, bedien ons nagenoeg 100 persone. Waar kry julle die bestanddele vir julle etes? Die meeste van die bestanddele vir die etes word op die mark gekoop. Een van ons vrywilligers gaan 05:00 mark toe om produkte teen die billikste pryse te koop. Op 9 Oktober 2001 het ons ons eerste donasie van vars groente van die plaaslike mark ontvang. Dit het geweldig baie gehelp. Wie kook en lewer die kos af? Die meeste van die werk word deur vrywillige helpers gedoen. In ons geval help die inwoners van die dienssentrum ook om die kos te kook. Ons het ook twee personeellede wat met die opskep en aflewering help. Die gebied wat ons dek, is baie groot. Aangesien ons net een voertuig het, vat dit baie lank om elke dag ons aflewerings te doen. (Wat ’n lieflike gedagte — ou vriende by ’n dienssentrum wat etes berei vir ou vriende in die gemeenskap wat swaar kry — wat mekaar miskien nooit sal ontmoet nie) Is daar enige spesiale verhale wat u met ons kan deel? Mnr. G. is 45 en is verstandelik gestrem. Sedert sy ma 15 jaar gelede oorlede is, woon hy in ’n huisie naby ons dienssentrum. Hy verdien nagenoeg R1 000 per maand deur in ’n naburige fabriek te werk. Sy huis is absoluut netjies. Hy het Ria, een van ons administratiewe personeel, as sy surrogaatmoeder aangeneem. Wanneer hy eensaam voel, loer hy in om te gesels en wys dan na die traanmerke aan sy wange terwyl hy vertel hoe hartseer hy voel. Na ’n soentjie op die wang en ’n innige drukkie is hy tevrede en eers dan sal hy loop — ’n gelukkige man. Mnr. G. hou daarvan om by die personeel te kuier en geniet die etes baie. Wat is u dringendste behoeftes op die oomblik? Ons het ’n nuwe rekenaar dringend nodig om die administratiewe sy van ons werk te behartig. Die rekenaar wat ons op die oomblik het, is baie oud, uiters stadig en werk glad nie goed nie. ’n Nuwe rekenaar sal beslis ons werk baie vergemaklik. Wat is u planne vir die toekoms? Gedurende hierdie nuwe jaar is ons voornemens om ons dienste uit te brei met die oog op meer hulp aan die gemeenskap wat ons dien. Een van ons planne is ’n pasiëntherstelsaal — waar pasiënte wat uit die hospitaal ontslaan word ’n paar dae kan deurbring terwyl hulle rus en aansterk. Wil u ’n boodskap aan ons ondersteuners stuur? Ons hartlike dank gaan aan ons ondersteuners. Hulle finansiële ondersteuning motiveer ons om nog meer vir die Senior Burgers te doen wat ons hulp nodig het. Dis so ’n riem onder die hart om te besef dat daar iewers mense is wat in ons werk belangstel. Baie dankie. Ons besoek aan Alberton het wonderlik aan ons verwagtinge beantwoord. Ons het die tak verlaat en goed gevoel in die wete dat Mobiele Etes ’n verskil maak in die lewens van die bejaarde mense rondom hulle.